Публикации » Çĕнĕ техника килет

17 августа 2011 г.

Ростов çинчи Донран республикăна тыр-пул пухмалли “ACROS-530” комбайнсем илсе килнĕ. Тăххăртан иккĕшне çийĕнчех Вăрнарти аш-какай комбиначĕн хуçалăхне ăсатнă. “Çиччĕшне çывăх кунсенче уй-хире кăлармалла, ”–пĕлтерчĕç ЧР Ял хуçалăх министерствинчен. Çĕнĕ техникăна трейлерсемпе икĕ талăкра турттарса килнĕ– вăхăта чылай перекетленĕ. “Чукун çулпа усă курнă пулсан çичĕ талăк иртетчĕ, ”–терĕç министерство специалисчĕсем. Чăваш Ен аграрийĕ кăçалхи çичĕ уйăхра тыр-пул тĕшĕлемелли 30 комбайн туяннă.

Источник: "Авангард" (газета Батыревского района)