22 апреля 2011 г.
“Юнимилк” компани республикăри чи пахалăхлă сĕт туса илекен хуçалăхсен черетлĕ рейтингне туса хатĕрленĕ.
Пуш уйăхĕн кăтартăвĕсемпе пирĕн районти “Волит” пĕрлешÿпе Шупашкар районĕнчи “Ольдеевская” агрофирма çĕнтерÿçĕсем пулса тăнă. “Волитра” — чи сиплĕ, “Ольдеевская” агрофирмăра чи таса сĕт туса илнĕ, иккĕшĕ те ăна пĕтĕмпех чи пысăк сортпа сутнă.
Малти 5 хуçалăх йышне пирĕн районти тулли мар яваплă “Красное Сормово” пĕрлешÿ те кĕнĕ. Ун ертÿçи С. П. Иванов каланă тăрăх, “хĕл ĕнесемшĕн çав териех тутă килмен, çавăнпах сĕтре çупа белок çитмеççĕ. Тепĕр уйăхран пурте йĕркене кĕрĕ. Пахалăхра та, хисепре те хушăмсем пулĕç”.
Источник: "Ял пурнăçĕ" (Красноармейская районная газета)