23 октября 2009 г.
Ял хуçалăхĕнче ĕçлекенсен тата продукци тирпейлекенсен кунне халалланă уяв вăхăтĕнче республикăран тата тĕрлĕ районтан килнĕ хăнасем Владимир Журавлев фермер хуçалăхне çитсе курчĕç. “Иккĕмĕш çăкăра” упрамалли хăтлă çурт-ангар чылайăшне тĕлĕнтерчĕ.
Унтан предприяти-организаци ертÿçисем, пысăк хăнасем “çавра сĕтел” хушшинче “Çĕр улми туса илес йывăрлăх тата малашлăх” темăна сÿтсе яврĕç. Мускав хулин апат-çимĕç ресурсĕсен департаменчĕн ертÿçин çумĕ Н.Корабейник Чăваш Енрен пахча-çимĕç кăна мар, ытти ял хуçалăх продукчĕсем те туянма хатĕррине пĕлтерчĕ. Çак енĕпе кашни хуçалăхрах суту-илÿпе вăй хуракан çын çирĕплетме сĕнчĕ. Унпа тÿрремĕн çыхăнса ĕçлени чылай ыйтăва çийĕнчех татса пама пулăшĕ.
Источник: "Пурнăç çулĕпе" Аликовская районная газета